കോഴിക്കോട്: സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡിനു കീഴില്‍ പ്രവര്‍ത്തിക്കുന്ന അല്‍ബിര്‍റ് പ്രീ സ്‌കൂള്‍ വിദ്യാര്‍ഥികള്‍ക്കായി സംസ്ഥാന സമിതി സംഘടിപ്പിക്കുന്ന കിഡ്‌സ് ഫെസ്റ്റിന് അന്തിമരൂപമായി.
ഒന്‍പതു മേഖലകളിലായി ഏഴായിരം കുരുന്നുകള്‍ ഫെസ്റ്റില്‍ മാറ്റുരയ്ക്കും.
ഉദിനൂര്‍ ഖിദ്മത്തുല്‍ ഇസ്‌ലാം കാസര്‍കോട്, ശറഫിയ മുടിക്കല്‍ എറണാകുളം (ജനുവരി- 5), ദാറുല്‍ അസ്ഹര്‍ കൊടുവള്ളി കോഴിക്കോട്, ഒളവട്ടൂര്‍ നുസ്‌റത്തുല്‍ ഇസ്‌ലാം മലപ്പുറം (ജനുവരി- 12), വടക്കാങ്ങര സൈതാലിക്കോയ മെമ്മോറിയല്‍ മലപ്പുറം, കുറ്റ്യാടി അലിഫ് സ്‌പേസ് കോഴിക്കോട് (ജനുവരി- 19), മയ്യില്‍ മദ്‌റസത്തുല്‍ ഖാദിരിയ കണ്ണൂര്‍, അല്‍ഫലാഹ് കക്കിടിപ്പുറം മലപ്പുറം, (ജനുവരി- 22), എവര്‍ഗ്രീന്‍ പബ്ലിക് സ്‌കൂള്‍ മുയിപ്പോത്ത് കോഴിക്കോട് (ജനുവരി 26) എന്നിവിടങ്ങളിലാണ് മത്സരങ്ങള്‍ നടക്കുന്നത്.
ഫെസ്റ്റുമായി ബന്ധപ്പെട്ട സ്വാഗതസംഘം യോഗങ്ങളും വിവിധ സോണുകളില്‍ നടക്കുന്നുണ്ട്. വിജയികള്‍ക്ക് മൊമന്റോയും സര്‍ട്ടിഫിക്കറ്റും നല്‍കും.
ടാലന്റ് ടെസ്റ്റില്‍ വിജയിച്ച രക്ഷിതാക്കള്‍ക്കുള്ള കാഷ്‌പ്രൈസ്, മൊമന്റോ എന്നിവ അതത് ഫെസ്റ്റ് കേന്ദ്രങ്ങളില്‍ വിതരണം ചെയ്യും.