ഭിവണ്ടി: മഹാരാഷ്ട്രയിലെ ഭിവണ്ടിയില്‍ ഇരു നില കെട്ടിടം തകര്‍ന്നുവീണു. ഇന്ന് രാവിലെ പുലര്‍ച്ചെ 6.45ഓടെയാണ് സംഭവം. മുംബൈയില്‍ നിന്ന് വടക്ക് കിഴക്ക് 20 കി.മീറ്റര്‍അകലെയുള്ള ഭിവണ്ടിലെ കെട്ടിടമാണ് തകര്‍ന്നുവീണത്.സംഭവത്തില്‍ രണ്ടു പേര്‍ മരണപ്പെട്ടു. തകര്‍ന്നുവീണ കെട്ടിടാവശിഷ്ടങ്ങള്‍ക്കിടയില്‍ ഏഴിലധികം പേര്‍ കുടുങ്ങിക്കിടക്കുന്നതില്‍  നാലു പേരെ രക്ഷപ്പെടുത്തിയതായി അധികൃതര്‍ അറിയിച്ചു.

അപകടഭീഷണിയുള്ള കെട്ടിടമാണെന്ന് മുനിസിപ്പല്‍ അധികൃതര്‍ റിപ്പോര്‍ട്ട് ചെയ്തിരുന്നു. കഴിഞ്ഞ ഒരാഴ്ചയക്കുള്ളില്‍ നഗരത്തില്‍ തകര്‍ന്നുവീഴുന്ന രണ്ടാമത്തെ കെട്ടിമാണ് ഭിവണ്ടിയിലേത്.

ദേശീയ ദുരന്ത നിവാരണ സേന, അഗ്നിശമന സേന തുടങ്ങിയവയുടെ നേതൃത്വത്തിലുള്ള രക്ഷാപ്രവര്‍ത്തനം പുരോഗമിക്കുന്നതായി താനെ മുനിസിപ്പല്‍ കോര്‍പ്പറേഷന്‍ ഉദ്യോഗസ്ഥന്‍ സന്തോഷ് കാദം പറഞ്ഞു.