തിരുവനന്തപുരം: സംസ്ഥാനത്തിന്റെ സാമ്പത്തിക പ്രതിസന്ധി രൂക്ഷമാണെന്ന സൂചന നല്‍കി ട്രഷറി നിയന്ത്രണം ഏര്‍പ്പെടുത്തി. അത്യാവശ്യ ചെലവ് ഒഴികെയുള്ള ഒരു ബില്ലും പാസ്സാക്കേണ്ടെന്ന് അറിയിച്ച് ധനകാര്യ വകുപ്പ് ട്രഷറിക്ക് കത്ത് നല്‍കി.

ഇനി ഒരുത്തരവ് ഉണ്ടാകുന്നത് വരെ നിയന്ത്രണം ഉണ്ടായിരിക്കുമെന്നാണ് സര്‍ക്കുലര്‍ വ്യക്തമാക്കുന്നത്. ശമ്പളം, പെന്‍ഷന്‍, മുഖ്യമന്ത്രിയുടെ ദുരിതാശ്വാസ നിധി എന്നിങ്ങനെ 31 ഇനങ്ങള്‍ക്കാണ് ഇളവ് പ്രഖ്യാപിച്ചിട്ടുള്ളത്. തദ്ദേശ സ്ഥാപനങ്ങളുടെ ബില്ലുകള്‍ക്കും നിയന്ത്രണമുണ്ട്. ട്രഷറി നിയന്ത്രണത്തിന് കാരണം വ്യക്തമാക്കിയിട്ടില്ലെങ്കിലും പെട്ടെന്ന് കടുത്ത നിയന്ത്രണങ്ങള്‍ വരുത്തിയത് സര്‍ക്കാര്‍ നേരിടുന്ന സാമ്പത്തിക പ്രതിസന്ധിയാണ് സൂചിപ്പിക്കുന്നതെന്ന് വിദഗ്ധര്‍ പറയുന്നു.