പനാജി: ഗോവ രാജ്യാന്തര ചലച്ചിത്ര മേളയില്‍ മലയാളത്തിന് മികച്ച നേട്ടം. മികച്ച സംവിധായകനായി ലിജോ ജോസ് പെല്ലിശേരിയും മികച്ച നടനായി ചെമ്പന്‍ വിനോദും പുരസ്‌കാരങ്ങള്‍ സ്വന്തമാക്കി. 'ഈ.മ.യൗ' എന്ന ചിത്രത്തിലൂടെയാണ് ഇരുവരും പുരസ്‌കാരങ്ങള്‍ സ്വന്തമാക്കിയത്. മികച്ച സംവിധായകനുള്ളതും മികച്ച നടനുള്ള രജതമയൂരവും ഒരുമിച്ച് ഗോവ ചലച്ചിത്രമേളയില്‍ ആദ്യമായണ് മലയാളത്തിനു ലഭിക്കുന്നത്.