അഹമ്മദാബാദ്: ഗുജറാത്തിലെ കനത്ത മഴയില്‍ അഹമ്മദാബാദ് വിമാനത്താവളം വെള്ളത്തിനടിയിലായെന്ന് കാണിച്ച് തെറ്റായ ചിത്രം നല്‍കിയതിന് പി.ടി.ഐ വാര്‍ത്താ വിതരണ മന്ത്രി സ്മൃതി ഇറാനിയോട് മാപ്പു പറഞ്ഞു. 2015ല്‍ ചെന്നൈ വിമാനത്താവളത്തിലെ വെള്ളപ്പൊക്കത്തിന്റെ ചിത്രമാണ് അഹമ്മദാബാദ് വിമാനത്താവളത്തില്‍ വെള്ളം കയറിയതായി കാണിച്ച് പി.ടി.ഐ മാധ്യമങ്ങള്‍ക്ക് നല്‍കിയത്. ഇക്കാര്യത്തില്‍ വിശദീകരണം ചോദിച്ചപ്പോഴാണ് വെട്ടിലായത് തങ്ങളാണെന്ന് പി.ടി.ഐ മനസിലാക്കിയത്. ഉടന്‍തന്നെ തെറ്റായ ചിത്രം നല്‍കിയതിന് മാപ്പുപറഞ്ഞ വാര്‍ത്താ ഏജന്‍സി ഈ ചിത്രം നല്‍കിയ ഫോട്ടോഗ്രാഫറുടെ സേവനം അവസാനിപ്പിച്ചതായി ട്വിറ്ററില്‍ മന്ത്രിയെ അറിയിച്ചു.