വാണിമേല്‍: സുപ്രഭാതം ദിനപത്രത്തിന്റെ നാലാം വാര്‍ഷിക പ്രചാരണ കാംപയിന്‍ വാണിമേല്‍ റെയ്ഞ്ചുതല ഉദ്ഘാടനം എസ്.വൈ.എസ് ജില്ലാ ഉപാധ്യക്ഷന്‍ സയ്യിദ് ടി.പി.സി തങ്ങള്‍ നിര്‍വഹിച്ചു. റെയ്ഞ്ചിലെ മുഴുവന്‍ സ്ഥലങ്ങളിലും ഗൃഹ സന്ദര്‍ശനം നടത്താനും വാര്‍ഷിക വരിക്കാരെ ചേര്‍ക്കാനും തീരുമാനിച്ചു.

റെയ്ഞ്ച് പ്രസിഡന്റ് അബ്ദുസ്സലാം ദാരിമി അടിവാരം അധ്യക്ഷനായി. ഹാരിസ് റഹ്മാനി തിനൂര്‍ മുഖ്യപ്രഭാഷണം നടത്തി.
കുന്നുമ്മല്‍ അബ്ദുല്ല ഹാജി, എന്‍. സൂപ്പി മാസ്റ്റര്‍, ടി.എം.വി അബ്ദുല്‍ ഹമീദ്, അലി അസ്ഹരി, പി.പി സൂപ്പി മാസ്റ്റര്‍, മുഹമ്മദലി മാസ്റ്റര്‍, നിസാമുദ്ദീന്‍ പ്രസംഗിച്ചു.