മലപ്പുറം: ജില്ലയിലെ കുഷ്ഠരോഗനിര്‍ണയ പ്രചാരണ പരിപാടിയായ 'അശ്വമേധം' അഞ്ചുമുതല്‍ ആരംഭിക്കുമെന്ന് ജില്ലാ മെഡിക്കല്‍ ഓഫിസര്‍ ഡോ.കെ.സക്കീന അറിയിച്ചു. അഞ്ചുമുതല്‍ ര@ണ്ടാഴ്ച കൊ@ണ്ട് ജില്ലയിലെ മുഴുവന്‍ വീടുകളും പരിശീലനം ലഭിച്ച സന്നദ്ധ പ്രവര്‍ത്തകര്‍ സന്ദര്‍ശിച്ച് കുഷ്ഠരോഗത്തെക്കുറിച്ച് അവബോധം സൃഷ്ടിച്ച് മറഞ്ഞിരിക്കുന്ന രോഗബാധ കണ്ടെ@ത്തുകയാണ് പരിപാടിയുടെ ലക്ഷ്യം. പ്രചാരണാര്‍ഥം നാളെ ടൗണ്‍ഹാളില്‍ രാവിലെ 9.30ന് മാജിക് ഷോ അവതരിപ്പിക്കും. പ്രവേശനം സൗജന്യമാണ്.
വീട്ടില്‍ സൂര്യപ്രകാശവും സ്വകാര്യതയുമുള്ള സ്ഥലത്തുവച്ച് ശരീരഭാഗങ്ങള്‍ പരിശോധിച്ച് രോഗത്തിന്റെ എന്തെങ്കിലും ലക്ഷണങ്ങള്‍ ക@ണ്ടാല്‍ വിദഗ്ധ ഡോക്ടറുടെ സൗജന്യ പരിശോധനയുണ്ടാകും.
തുടര്‍ന്ന് രോഗം സ്ഥിരീകരിച്ചാല്‍ സൗജന്യചികിത്സയും നല്‍കുമെന്നും രോഗവിവരങ്ങള്‍ രഹസ്യമായി സൂക്ഷിക്കുമെന്നും ജില്ലാ മെഡിക്കല്‍ ഓഫിസര്‍ അറിയിച്ചു. വാര്‍ത്താ സമ്മേളനത്തില്‍ ഡെപ്യൂട്ടി മെഡിക്കല്‍ ഓഫിസര്‍ ഡോ.മുഹമ്മദ് ഇസ്മാഈല്‍, ജില്ലാ പ്രോഗ്രാം ഓഫിസര്‍ ഡോ.ഷിബുലാല്‍, മീഡിയ ഓഫിസര്‍ ടി.എം ഗോപാലന്‍, അസിസ്റ്റന്റ് ലെപ്രസി ഓഫിസര്‍ അബ്ദുല്‍ ഹമീദ് എന്നിവര്‍ പങ്കെടുത്തു.