വാടാനപ്പള്ളി : നിയന്ത്രണം വിട്ട ബസ്  റോഡരികില്‍ പാര്‍ക്ക് ചെയ്തിരുന്ന സ്‌കൂട്ടറിടിച്ചു വീഴ്ത്തിയ ശേഷം സമീപത്തെ കടകളുടെ ഭിത്തിയിലിടിച്ചു നിന്നു. അപകടത്തില്‍ ആര്‍ക്കും പരുക്കില്ല. കുഴഞ്ഞു വീണ ബസ് ഡ്രൈവര്‍ കാരമുക്ക് സ്വദേശി ചെറുവത്ത് ജയിംസ് (45) നെ തൃത്തല്ലൂര്‍ ഗവണ്‍മെന്റ് ആശുപത്രിയില്‍ പ്രവേശിപ്പിച്ചു.
ഇന്നലെ ഉച്ചക്ക് പന്ത്രണ്ടരയോടെയായിരുന്നു അപകടം. തൃശ്ശൂരില്‍നിന്നും വാടാനപ്പള്ളി വഴി കടപ്പുറം അഞ്ചങ്ങാടിയിലേക്ക് പോകുകയായിരുന്ന ചിറമ്മല്‍ ബസാണ് തൃത്തല്ലൂര്‍ ഗവണ്‍മെന്റ് ആശുപത്രിക്കു മുന്നിലെ  സ്റ്റോപ്പില്‍ നിറുത്തുന്നതിനിടയില്‍ ബസ് ഡ്രൈവര്‍ കുഴഞ്ഞു വീഴുണതിനെ തുടര്‍ന്ന് നിയന്ത്രണം വിട്ടത്.ഇതിനിടെ ഡ്രൈവര്‍ ബസ് നിറുത്താന്‍ ശ്രമിച്ചെങ്കിലും നിയന്ത്രണംവിട്ട ബസ് റോഡരികില്‍ പാര്‍ക്ക് ചെയ്ത് സമീപത്തെ കടയിലേക്ക് കയറിയ പുതുമനശ്ശേരി ഭരതന്റെ സ്‌കൂട്ടര്‍ ഇടിച്ചു തെറിപ്പിച്ച ശേഷം സമീപത്തെ കടകളുടെ മുകള്‍ഭാഗത്തെ ഷീറ്റുകളും  തകര്‍ത്തതിനുശേഷം സമീപത്തെ സ്റ്റുഡിയോ യുടെ ഭിത്തിയിലിടിച്ചതിനുശേഷമാണു നിന്നത്. അപകടത്തില്‍ സ്‌കൂട്ടര്‍ പൂര്‍ണ്ണമായും തകര്‍ന്നു.വാടാനപ്പള്ളി പൊലിസ് സ്ഥലത്തെതി .