റിയോ ഡി ജനീറോ: നീന്തല്‍ കുളത്തിലെ രാജാവായ മൈക്കല്‍ ഫെല്‍പ്‌സിന് ഒളിംപിക്‌സില്‍ 19ാം സ്വര്‍ണം. 4X100 മീറ്റര്‍ ഫ്രീസ്റ്റൈല്‍ റിലേയിലാണ് അമേരിക്കയുടെ ടീം സ്വര്‍ണം നേടിയത്. സ്വര്‍ണം നേടിയ 31 കാരനായ ഫെല്‍പ്‌സിന്റെ റിയോയിലെ ആദ്യ മെഡല്‍ നേട്ടമാണിത്.

ഫെല്‍പ്‌സിനൊപ്പം റയാന്‍ ഹെല്‍ഡ്, നഥാന്‍ അഡ്രിയാന്‍, സെലബ് ഡ്രസല്‍ എന്നിവരാണ് യു.എസ് ടീം അംഗങ്ങള്‍.3:09.92 മിനിറ്റിലാണ് യു.എസ് ടീം ഫിനിഷ് ചെയ്തത്. ഫ്രാന്‍സ് രണ്ടാമതായും ആസ്‌ത്രേലിയ മൂന്നാമതായും ഫിനിഷ് ചെയ്തു.