ഉരുവച്ചാല്‍: മാലൂര്‍ പേരാവൂര്‍ റോഡില്‍ തൃക്കടാരിപ്പൊയില്‍ ടൗണില്‍ റോഡരികലുള്ള കൂറ്റന്‍ മരം ജനങ്ങള്‍ക്ക് ഭീഷണിയാവുന്നു. സ്‌കൂളിലേക്ക് പോകുന്ന വഴിയരികിലായതിനാല്‍ മരം വിദ്യാര്‍ഥികള്‍ക്കും ഭീക്ഷണിയാണ്. കെട്ടിടത്തിന്റെ ഉടമ മാലൂര്‍ ഗ്രാമപഞ്ചായത്ത് സെക്രട്ടറിക്കും പി.ഡബ്‌ളിയു.ഡി ഓഫിസിലും നേരത്തെ പരാതി നല്‍കിയിരുന്നു. മരംഏതു സമയത്തും നിലം പതിക്കാവുന്ന സ്ഥിതിയിലാണ്. കഴിഞ്ഞ ദിവസമാണ് ഇതുപോലൊരു മരം പനമ്പറ്റ ന്യൂ യു.പി സ്‌കൂളില്‍ കടപുഴകി വീണത്. എത്രയും വേഗം മരം മുറിച്ച് മാറ്റണമെന്ന് നാട്ടുകാര്‍ ആവശ്യപ്പെടുന്നു.