പേരാമ്പ്ര: ചെമ്പനോടയില്‍ വീട്ടുമുറ്റത്തു നിര്‍ത്തിയിട്ടിരുന്ന കാറിനു തീപിടിച്ച സംഭവത്തില്‍ പെരുവണ്ണാമൂഴി പൊലിസ് ഇരുട്ടില്‍ തപ്പുന്നു.
സംഭവത്തില്‍ സംശയിക്കുന്ന ആളെ ഉടമ പൊലിസില്‍ അറിയിച്ചിട്ടുണ്ടെങ്കിലും അയാളെ ഇതുവരെ കണ്ടെത്താനായിട്ടില്ല. ഫോണ്‍ ലൊക്കേഷന്‍ നോക്കി പിടിക്കാന്‍ നോക്കിയെങ്കിലും നടന്നില്ല. ഫോണ്‍ സ്വിച്ച് ഓഫ് ചെയ്തു വെച്ചിരിക്കുകയാണെന്നാണു പൊലിസ് പറയുന്നത്.
സംശയിക്കുന്നയാള്‍ കോടതിയില്‍ നേരിട്ടു ഹാജരാകാനുള്ള സാധ്യതയുമുണ്ട്. ഇക്കഴിഞ്ഞ 23 ന് പുലര്‍ച്ചെ രണ്ടോടെയായിരുന്നു സംഭവം.