കണ്ണൂര്‍: സപ്ലൈക്കോ-മാവേലി ഡിപ്പോകളില്‍ ജോലി ചെയ്തു വരുന്ന ദിവസവേതന തൊഴിലാളികളുടെയും പാക്കിങ്ങ് വിഭാഗ തൊഴിലാളികളുടെയും വേതനം ഓണത്തിനു മുമ്പ് തന്നെ വര്‍ധിപ്പിച്ച് ഉത്തരവിറക്കുമെന്ന് മന്ത്രി പി തിലോത്തമന്‍. സപ്ലൈക്കോ വര്‍ക്കേഴ്‌സ് ഫെഡറേഷന്‍(എ.ഐ.ടി.യു.സി)ജില്ലാ സെക്രട്ടറി പി ലക്ഷ്മണന്റെ നേതൃത്വത്തില്‍ മന്ത്രിക്ക് നല്‍കിയ നിവേദനത്തിന്റെ മറുപടിയായാണ് വിവരം അറിയിച്ചത്. ഉത്തരവ് പ്രകാരം അയ്യായിരത്തില്‍പരം വരുന്ന തൊഴിലാളികള്‍ക്ക് വേതനം വര്‍ധിക്കും.