പാപ്പിനിശ്ശേരി: നാട് നവോത്ഥാന കാലഘട്ടത്തിലൂടെ കടന്നുപോകുമ്പോഴും ഇന്ത്യയിലെയും കേരളത്തിലെയും സര്‍വകലാശാലകള്‍ ഇന്നും ജാതിയും മതവും രാഷ്ട്രീയവും ദേശവും മറ്റും നോക്കി വീതം വച്ച് നല്‍കുകയാണെന്ന് സാഹിത്യകാരന്‍ ടി. പത്മനാഭന്‍.
കണ്ണൂര്‍ സര്‍വകലാശാല യൂനിയന്റെ പ്രവര്‍ത്തനോദ്ഘാടനം മാങ്ങാട്ടുപറമ്പില്‍ ഉദ്ഘാടനം ചെയ്യുകയായിരുന്നു അദ്ദേഹം. ലോകത്തില്‍ നടന്ന മഹത്തായ വിപ്ലവങ്ങളുടെയെല്ലാം പിന്നില്‍ വിദ്യാര്‍ഥികളുടെയും യുവാക്കളുടെയും സംഘ ശക്തിയാണ് ഉണ്ടായിരുന്നത്. വിദ്യാര്‍ഥികള്‍ ആരുടെയും ചട്ടുകമാകരുതെന്നും അദ്ദേഹം പറഞ്ഞു.