അലനല്ലൂര്‍: കിണര്‍ കുഴിക്കലിലും ശക്തി തെളിയിച്ച് മുന്നേറുകയാണ് പെണ്‍പടകള്‍. കുടിവെള്ള ക്ഷാമം നേരിടുന്ന പ്രദേശങ്ങളില്‍ വത്യസ്ഥ കിണറുകള്‍ ഒരുക്കിയാണ് സ്ത്രീശക്കിയുടെ കഴിവ് തെളിയിച്ചിരിക്കുന്നത്. തൊഴിലുറപ്പ് തൊഴിലാളികളുടെ നേതൃത്വത്തിലാണ് കിണര്‍ നിര്‍മാണം ആരംഭിച്ചരിക്കുന്നത്. മുണ്ടക്കുന്നില്‍ പത്ത് കിണറുകളാണ് ഇവരുടെ കൈകരുത്തില്‍ നിര്‍മാണം നടത്തികൊണ്ടിരിക്കുന്നത്. ഏത് വട്ടത്തിലുള്ള കിണറുകളും എത്ര ആഴത്തില്‍ വരെയും ഇവര്‍ ഒരു ആശങ്കക്കും ഇടയില്ലാതെ നിര്‍മിക്കുന്നുണ്ട് .
എണ്‍പത് സ്ത്രികളടങ്ങുന്ന കൂട്ടത്തില്‍ ഒരു കിണര്‍ കുഴിക്കാന്‍ എട്ടുപേര്‍ എന്ന ആനുപാതത്തിലാണ്. നിലവിലുള്ള പത്ത് കിണര്‍ പുര്‍ത്തിയാവുന്നതോടെ അടുത്തഘട്ടത്തിലുള്ള പത്തെണ്ണം കൂടി നിര്‍മിക്കാനുള്ള തയാറെടുപ്പിലാണ് ഈ വനിതകള്‍.