കാക്കനാട് : തൃക്കാക്കര വാഴക്കാല കമ്പിവേലിക്കകം സ്റ്റോപ്പില്‍ സ്ഥിതി ചെയ്യുന്ന  സിന്‍ഡിക്കേറ്റ് ബാങ്കിന്റെ എ.ടി.എമ്മില്‍ മോഷണം നടത്താന്‍ ശ്രമിച്ച പ്രതികളുടെ സി.സി ടി.വി ദൃശ്യങ്ങള്‍ പൊലിസ് പുറത്തു വിട്ടു. കഴിഞ്ഞ ശനിയാഴച്ച പുലര്‍ച്ചെ 1.25 നാണ്  മോഷണ ശ്രമം നടത്തിയത്. ഹെല്‍മറ്റ് ധരിച്ചെത്തിയ മോഷ്ടാവ് എ.ടി.എം കൗണ്ടറിലെ മൂന്നു കാമറകളിലും പെയിന്റ് തേച്ചതിനുശേഷമാണ് കവര്‍ച്ചാ ശ്രമം നടത്തിയത്.
എന്നാല്‍ എ.ടി.എമ്മിലെ നാലാമത്തെ ചെറിയ കാമറ പ്രതിയുടെ കണ്ണില്‍പ്പെട്ടിരുന്നില്ല. ഈ കാമറയില്‍ നിന്നും പ്രതിയുടെ വ്യക്തമായ ദൃശ്യങ്ങള്‍ പൊലിസിനു ലഭിച്ചത്.
പ്രതികളെ കുറിച്ച് എന്തെങ്കിലും വിവരം ലഭിച്ചാല്‍ അസി. പൊലിസ് കമ്മിഷണര്‍, തൃക്കാക്കര  9497990071, സര്‍ക്കിള്‍ ഇന്‍സ്‌പെക്ടര്‍, കളമശേരി 9497987109, സബ് ഇന്‍സ്‌പെക്ടര്‍, തൃക്കാക്കര 9497980424. എന്നീ ഫോണ്‍ നമ്പരുകളില്‍ ബന്ധപെടണമെന്നും പൊലിസ്  അറിയിച്ചു.