ആലപ്പുഴ: കോണ്‍ഗ്രസ് നേടിയ തെരഞ്ഞെടുപ്പ് വിജയത്തിന് അഭിവാദ്യമര്‍പ്പിച്ച് ആലപ്പുഴയില്‍ പ്രകടനം നടത്തി. രാജ്യത്തെ നരേന്ദ്ര മോദിയുടെ ഭരണത്തിന് അന്ത്യം കുറിക്കുന്നതാണ് ഉത്തരേന്ത്യന്‍ സംസ്ഥാനങ്ങളില്‍ നടന്ന തെരെഞ്ഞെടുപ്പില്‍ കോണ്‍ഗ്രസ് നേടിയ വിജയമെന്ന് ഡി.സി.സി.പ്രസിഡന്റ് എം.ലിജു പറഞ്ഞു. രാജ്യത്തെ ജനങ്ങളെ വര്‍ഗീയമായി വിഭജിച്ചു തെരഞ്ഞെടുപ്പുകളില്‍ വിജയം നേടിയ ബി.ജെ.പിക്ക് മതേതര വിശ്വാസികള്‍ നല്‍കിയ തിരിച്ചടിയാണ് തെരെഞ്ഞെടുപ്പില്‍ പ്രതിഫലിച്ചതെന്ന് ലിജു പറഞ്ഞു.  2019 ല്‍ നടക്കാന്‍ പോകുന്ന പാര്‍ലമെന്റ് തെരെഞ്ഞെടുപ്പില്‍ ഇന്ത്യയില്‍ മതേതര സര്‍ക്കാര്‍ അധികാരത്തിലെത്തും എന്നതിന്റെ സൂചനകൂടിയാണ് ഈ തെരെഞ്ഞെടുപ്പ് വിജയങ്ങള്‍ എന്നും ലിജു പറഞ്ഞു ആലപ്പുഴയില്‍ നടന്ന പ്രകടനത്തിന് ഡി.സി.സി.പ്രസിഡന്റ് എം.ലിജു, കെ.പി.സി.സി.സെക്രട്ടറി കെ.പി.ശ്രീകുമാര്‍, ജി.മുകുന്ദന്‍ പിള്ള, ബാബു ജോര്‍ജ്,ഡി.സി.സി.ഭാരവാഹികളായ ടി സുബ്രഹ്മണ്യ ദാസ്, ജി.സഞ്ജീവ് ഭട്ട്, പി.സാബു, അഡ്വ.മനോജ് കുമാര്‍, അഡ്വ. വി.ഷുക്കൂര്‍, ടി.വി.രാജന്‍, ഇല്ലിക്കല്‍ കുഞ്ഞുമോന്‍, സിറിയക് ജേക്കബ്, ബഷീര്‍ കോയാപറമ്പില്‍, ഐ ലത, കരോളിന്‍ പീറ്റര്‍, കെ.നൂറുദ്ധീന്‍ കോയ ബെന്നി ജോസഫ്, പി.പി.രാഹുല്‍, ടോമിച്ചന്‍ പൂണിയില്‍, ഷെഫീക്ക് , ജി.മുകുന്ദന്‍, കെ.എസ്. ഡൊമിനിക് തുടങ്ങിയവര്‍ നേതൃത്വം നല്‍കി.