പട്ടാമ്പി: അറിവിന്റെ വിളക്കത്ത് ഒന്നിച്ചിരിക്കാം എന്ന പ്രമേയത്തില്‍ ഒക്ടോബര്‍ 19, 20, 21 തിയ്യതികളില്‍ അത്തിപ്പറ്റ ഫത്ഹുല്‍ ഫതാഹില്‍ നടക്കാനിരിക്കുന്ന എസ്.കെ.എസ്.എസ്.എഫ് ത്വലബ സംസ്ഥാന സമ്മേളനം വിജയിപ്പിക്കാന്‍ ത്വലബ പട്ടാമ്പി ഏരിയ കമ്മിറ്റി തീരുമാനിച്ചു.
സമ്മേളന പ്രചരണാര്‍ഥം ദര്‍സ്, അറബിക് കോളജുകളില്‍ പ്രത്യേക സെമിനാറുകള്‍ നടത്താനും വാഹന പ്രചാരണ ജാഥ സംഘടിപ്പിക്കാനും തീരുമാനമായി. യോഗം മുഹമ്മദ് ത്വയ്യിബ് ആലൂര്‍ ഉദ്ഘാടനം ചെയ്തു. ഫാറൂഖ് മുസ്‌ലിയാര്‍ വിയറ്റ്‌നാംപടി അധ്യക്ഷനായി.
സൈനുല്‍ ആബിദീന്‍ കൊടുമുടി ചര്‍ച്ചക്ക് നേതൃത്വം നല്‍കി. മന്‍സൂര്‍ ഹുസൈന്‍ സ്വാഗതവും മുഹമ്മദ് ആസിഫ് ആമയൂര്‍ നന്ദിയും പറഞ്ഞു.
ത്വലബ പട്ടാമ്പി ഏരിയ ഭാരവാഹികള്‍: മുഹമ്മദ് ആസിഫ് ആമയൂര്‍ (ചെയ), അബ്ദുറഹീം മണ്ണാര്‍ക്കാട് (വൈസ്.ചെയ), മന്‍സൂര്‍ ഹുസൈന്‍ (കണ്‍), അബ്ദുല്‍ ഹക്കീം കൈപ്പുറം (വര്‍.കണ്‍), ജമാലുദ്ധീന്‍ മണ്ണാര്‍ക്കാട് (കൗണ്‍സിലര്‍), അബിന്‍സ് കോതമംഗലം (ട്രഷ).