കായംകുളം:കഞ്ചാവ് കേസിലെ പ്രതി കോടതിയില്‍നിന്ന് ഓടിരക്ഷപ്പെട്ടു.ഇന്നലെ വൈകിട്ട് അഞ്ചുമണിയോടെ തമിഴ്‌നാട് സ്വദേശി കൃഷ്ണമൂര്‍ത്തി(29)യെ കായംകുളം ഫസ്റ്റ്ക്‌ളാസ് മജിസ്‌ട്രേറ്റ് കോടതിയില്‍ ഹാജരാക്കിയപ്പോഴാണ്  ഓടിരക്ഷപ്പെട്ടത്.
 വിദ്യാര്‍ത്ഥികള്‍ക്ക് കഞ്ചാവ് വില്‍ക്കുന്നതിനിടയില്‍  മാവേലിക്കര പോലീസാണ് കഴിഞ്ഞ ദിവസം കൃഷ്ണമൂര്‍ത്തിയെ പിടികൂടിയത്.  മാവേലിക്കര മജിസ്‌ട്രേറ്റ് കോടതിയുടെ ചാര്‍ജ്ജ് കായംകുളം ഫസ്റ്റ്ക്‌ളാസ് മജിസ്‌ട്രേറ്റിന് ആയതിനാല്‍  കൃഷ്ണമൂര്‍ത്തിയെ അഞ്ചു മണിയോടെ കോടതിയില്‍ ഹാജരാക്കി.കോടതി ഇയാളെ റിമാന്റ് ചെയ്തു.റിമാന്റ് നോട്ട് എഴുതുന്നതിനിടയില്‍  പോലീസിന്റെ കണ്ണുവെട്ടിച്ച് ഇയാള്‍ ഇറങ്ങി ഓടുകയായിരുന്നു.പ്രതിക്കു പിന്നാലെ പോലീസും നാട്ടുകാരും ഓടിയെങ്കിലും പിടികൂടാനായില്ല.റെയില്‍വേ സ്റ്റേഷന്‍,ബസ്റ്റാന്റ് എന്നിവിടങ്ങളില്‍ പോലീസ് തിരച്ചില്‍ നടത്തിയെങ്കിലും പ്രതിയെ കണ്ടെത്താനായില്ല.