കാഞ്ഞങ്ങാട്: ലോകമഹാ യുദ്ധത്തിന്റെ വിപത്ത് സാക്ഷ്യപ്പെടുത്തി ബേക്കല്‍ ഗവ.ഫിഷറീസ് സ്‌കൂള്‍ വിദ്യാര്‍ഥികള്‍ സംഘടിപ്പിച്ച പരിപാടി ശ്രദ്ധേയമായി. 1945 ആഗസ്ത് ഒന്‍പതിനു ജപ്പാനിലെ നാഗസാക്കിയില്‍ അമേരിക്ക ബോംബ് വര്‍ഷിച്ചതിന്റെ ദുരന്ത സ്മരണകളുടെ നേര്‍ക്കാഴ്ചകള്‍ ദൃശ്യമാക്കിയാണ് വിദ്യാര്‍ഥികള്‍ നാഗസാക്കി ദിനം ആചരിച്ചത്.
സയന്‍സ് ക്ലബ്ബിന്റെയും, സോഷ്യല്‍ സയന്‍സ് ക്ലബ്ബിന്റെയും നേതൃത്വത്തിലാണ് ചടങ്ങ് സംഘടിപ്പിച്ചത്. യുദ്ധത്തിന്റെ ദൃശ്യാവിഷ്‌കാരം കുരുന്നു മനസ്സുകളില്‍ യുദ്ധത്തിന്റെ നേര്‍ചിത്രം വരച്ചു കാണിക്കുന്നതായി.
പ്രധാനാധ്യാപകന്‍ കെ.ജയപ്രകാശ് യുദ്ധത്തിന്റെ കെടുതികള്‍ സംബന്ധിച്ച് വിദ്യാര്‍ഥികള്‍ക്ക് വിശദീകരണം നടത്തി. ചടങ്ങില്‍ വി.ശ്രീകുമാര്‍, അനിത, എം. സതീഷ് കുമാര്‍, കെ.ഗോപിനാഥന്‍, ടി.സതീശന്‍ തുടങ്ങിയവര്‍ ചടങ്ങിന് നേതൃത്വം നല്‍കി.