തിരുവനന്തപുരം: സി.പി.ഐക്കെതിരെ അപവാദ പ്രചരണം നടത്തിയതിന് പി.വി. അന്‍വര്‍ എം.എല്‍.എക്ക്  വക്കീല്‍ നോട്ടീസ്. തിരുവനന്തപുരം ആനയറ സ്വദേശിയായ സി.പി.ഐ അഭിഭാഷക സംഘടനാ നേതാവ് എസ്.എസ്. ബാലുവാണ് നോട്ടീസ് അയച്ചത്.

ഈ മാസം 14 ന് ആലപ്പുഴയില്‍ അന്‍വര്‍ നടത്തിയ വാര്‍ത്തസമ്മേളനത്തില്‍ 2011ലും 2021ലും ഏറനാട് സീറ്റ് സി.പി.ഐ മുസ്‌ലിംലീഗിന് വില്‍പന നടത്തിയതായി ആരോപിച്ചിരുന്നു. 2011ല്‍ അന്നത്തെ സംസ്ഥാന സെക്രട്ടറിയായ വെളിയം ഭാര്‍ഗവന്റെ നേതൃത്വത്തില്‍ 25 ലക്ഷം രൂപക്ക് സീറ്റ് മുസ്‌ലിം ലീഗിന് വിറ്റു എന്നായിരുന്നു ആരോപണം.

അടിസ്ഥാനരഹിതവും, വ്യാജവുമായ ഈ ആരോപണം പാര്‍ട്ടിക്കും പാര്‍ട്ടി പ്രവര്‍ത്തകര്‍ക്കും അവമതിപ്പും മാനഹാനിയും ഉണ്ടാക്കിയതായും, 15 ദിവസത്തിനകം വാര്‍ത്ത സമ്മേളനം വിളിച്ച് ആരോപണം തിരുത്തിയില്ലെങ്കില്‍ അന്‍വറില്‍ നിന്ന് ഒരു കോടി രൂപ നഷ്ടപരിഹാരം ലഭിക്കുന്നതുള്‍പ്പടെയുള്ള നിയമനടപടികള്‍ സ്വീകരിക്കുമെന്ന് നോട്ടീസില്‍ പറയുന്നു. അഭിഭാഷകനായ എം. സലാഹുദ്ദീന്‍ മുഖേനയാണ് നോട്ടീസ് അയച്ചിരിക്കുന്നത്.

An advocate notice has been issued to Anwar over allegations made against the Communist Party of India (CPI), citing defamation concerns. This development highlights the escalating tensions within India's political landscape.