കണ്ണൂര്‍ മെഡിക്കല്‍ കോളജ് അധികൃതര്‍ക്കെതിരേ കടുത്ത നടപടിയുമായി പൊലിസ്

backup

August 08, 2017 | 9:41 PM

%e0%b4%95%e0%b4%a3%e0%b5%8d%e0%b4%a3%e0%b5%82%e0%b4%b0%e0%b5%8d%e2%80%8d-%e0%b4%ae%e0%b5%86%e0%b4%a1%e0%b4%bf%e0%b4%95%e0%b5%8d%e0%b4%95%e0%b4%b2%e0%b5%8d%e2%80%8d-%e0%b4%95%e0%b5%8b%e0%b4%b3-14

കണ്ണൂര്‍: കണ്ണൂര്‍ മെഡിക്കല്‍ കോളജില്‍ 2016-17 വിദ്യാഭ്യാസ വര്‍ഷത്തെ സര്‍ക്കാര്‍ നടപടികള്‍ പാലിക്കാതെ പ്രവേശന പരീക്ഷ നടത്തി വിദ്യാര്‍ഥികളില്‍ നിന്നു പണം വാങ്ങിയതിനും സര്‍ട്ടിഫിക്കറ്റുകള്‍ തിരികെ നല്‍കാത്തതിനുമുള്ള പരാതിയില്‍ പ്രതികളായ മാനേജ്‌മെന്റ് ഭാരവാഹികള്‍ക്കെതിരേ പൊലിസ് ലുക്കൗട്ട് നോട്ടീസ് പുറപ്പെടുവിപ്പിച്ചേക്കും. കണ്ണൂര്‍ മെഡിക്കല്‍ കോളജ് അധികൃതര്‍ക്കെതിരേ ചക്കരക്കല്‍ പൊലിസ് സ്‌റ്റേഷനില്‍ രക്ഷിതാക്കളുടെ പത്തുപരാതികളാണ് ലഭിച്ചത്. പ്രശ്‌നത്തില്‍ അടിയന്തിരമായി ഇടപെടണമന്നാവശ്യപ്പെട്ട് രക്ഷിതാക്കള്‍ മുഖ്യമന്ത്രിക്ക് നിവേദനവും നല്‍കിയിട്ടുണ്ട്. ഇതിന്റെ അടിസ്ഥാനത്തിലാണ് പ്രശ്‌നം ഒത്തുതീരാത്ത സാഹചര്യത്തില്‍ പൊലിസ് കടുത്ത നടപടിക്കൊരുങ്ങുന്നത്. കഴിഞ്ഞദിവസം കണ്ണൂര്‍ മെഡിക്കല്‍ കോളജ് മുന്‍ ചെയര്‍മാന്‍ അബ്ദുല്‍ ജബ്ബാര്‍ ഹാജിയുടെ പഴയങ്ങാടി ബീവിറോഡിലുള്ള ഭാര്യവീട്ടില്‍ പൊലിസ് പരിശോധന നടത്തിയിരുന്നു. എന്നാല്‍ മുന്‍ചെയര്‍മാനടക്കമുള്ളവര്‍ ഇപ്പോള്‍ വിദേശത്താണുള്ളത്. അഞ്ചരക്കണ്ടി മെഡിക്കല്‍ കോളജ് ഇപ്പോള്‍ പ്രവര്‍ത്തിക്കുന്നത് പ്രസ്റ്റീജ് എഡ്യുക്കേഷന്‍ ട്രസ്റ്റിന്റെ കീഴിലാണ്.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."