തിരുവനന്തപുരം: മന്ത്രി എം.എം മണി അവഹേളിച്ചതായി നെയ്യാറ്റിന്‍കരയില്‍ ഡി.വൈ.എസ്.പി തള്ളിയിട്ടു കൊന്ന സനലിന്റെ ഭാര്യ വിജി. ഒരു മാസം കൊണ്ട് ജോലി തരാന്‍ എടുത്തു വെച്ചിട്ടില്ലെന്നും മുഖ്യമന്ത്രി ഉറപ്പു നല്‍കിയിട്ടുണ്ടെങ്കില്‍ സമരം കിടക്കാതെ മുഖ്യമന്ത്രിയെ കാണണമെന്നുമാണ് വിജി ഫോണില്‍ വിളിച്ചപ്പോഴുള്ള മന്ത്രിയുടെ പ്രതികരണം. സെക്രട്ടറിയേറ്റിനു മുന്നില്‍ നടക്കുന്ന സമരത്തിന്റെ ഭാഗമായി വിളിച്ചപ്പോഴായിരുന്നു ശകാരം.

സനല്‍ കുമാറിന്റെ ഭാര്യയും രണ്ടുകുട്ടികളും അമ്മയുമാണ് സെക്രട്ടേറിയറ്റിന് മുമ്പില്‍ സമരത്തിനിരിക്കുന്നത്. രണ്ടു മക്കളും ഭാര്യയും അമ്മയും അടങ്ങുന്ന കുടുംബത്തിന്റെ ഏക അത്താണിയായിരുന്നു കൊല്ലപ്പെട്ട സനല്‍. നഷ്ടപരിഹാര തുകയായി സാധാരണ നല്‍കുന്ന 10,000 രൂപ പോലും കുടുംബത്തിന് ലഭിച്ചിട്ടില്ലെന്നു വിജി നേരത്തേ ആരോപിച്ചിരുന്നു.