മക്ക: ഏറ്റവും ഉയര്‍ന്ന തോതിലുള്ള ചൂടിലാണ് ഈ വര്‍ഷം ഹജ്ജ് എന്നതിനാല്‍ സൂര്യാതപം മൂലമുള്ള അപകടങ്ങള്‍ നേരിടാന്‍ വിപുലമായ പദ്ധതികള്‍ ഹജ്ജ് മന്ത്രാലയം ഒരുക്കി തുടങ്ങി.
സൂര്യാതപം നേരിടാനും ആവശ്യമായ ചികിത്സ നല്‍കാനും ആരോഗ്യ മന്ത്രാലയവും പ്രത്യേക പദ്ധതികളും സജ്ജീകരണങ്ങളും ഒരുക്കി. തീര്‍ഥാടകര്‍ക്ക് സൂര്യാതപം ഏല്‍ക്കാതിരിക്കാന്‍ മക്ക, മദീന, മിന, അറഫ, തുടങ്ങിയ സ്ഥലങ്ങളില്‍ മുന്‍ വര്‍ഷങ്ങളിലുണ്ടണ്ടായിരുന്ന സജ്ജീകരണങ്ങള്‍ക്ക് പുറമെ പുതിയ സംവിധാനങ്ങളും ഒരുക്കുന്നുണ്ട്.
സൂര്യാതപമേല്‍ക്കുന്നവര്‍ക്ക് ആവശ്യമായ അടിയന്തര ചികിത്സ നല്‍കാന്‍ പ്രത്യേകം പരിശീലനം ലഭിച്ച ജോലിക്കാര്‍, അടിയന്തര സാഹചര്യങ്ങളെ നേരിടാന്‍ സജ്ജമായ ആശുപത്രികള്‍ എന്നിവ ആരോഗ്യ മന്ത്രാലയം ഒരുക്കിയിട്ടുണ്ട്. സൂര്യതാപത്തില്‍ നിന്ന് രക്ഷപ്പെടാനുള്ള ബോധവല്‍ക്കരണത്തിനായി ഹജ്ജ് ക്യാംപുകളിലും മുതവ്വിഫുമാരുടെ ഓഫിസുകളും കേന്ദ്രീകരിച്ചു വിവിധ ഭാഷകളില്‍ ബോധവല്‍ക്കരണ പരിപാടികളും നടത്തും.
അതേസമയം, ഹജ്ജ് സീസണില്‍ പകര്‍ച്ചവ്യാധി ഭീഷണിയെകുറിച്ചു ഭീതിയില്ലെന്നു ഹജ്ജ്, ഉംറ മന്ത്രി ഡോ. മുഹമ്മദ് ബിന്‍തന്‍ പറഞ്ഞു. യമനില്‍ കോളറ വ്യാപകമായ സാഹചര്യത്തില്‍ യമന്‍ തീര്‍ഥാടകര്‍ വഴി ഉണ്ടണ്ടായേക്കാവുന്ന കോളറഭീതി തടയാനും മറ്റു രാജ്യങ്ങളില്‍ നിന്നുള്ള പകര്‍ച്ച വ്യാധികള്‍ രാജ്യത്തെത്താതെ നോക്കുന്നതിനുമുള്ള ശക്തമായ നടപടികള്‍ ആരോഗ്യ മന്ത്രാലയം സ്വീകരിച്ചിട്ടുണ്ടണ്ട്.
പകര്‍ച്ച വ്യാധികള്‍ റിപ്പോര്‍ട്ട് ചെയ്ത രാജ്യങ്ങളില്‍ നിന്നുള്ള തീര്‍ഥാടകര്‍ക്ക് ആവശ്യമായ കുത്തിവയ്പുകള്‍ ഉറപ്പു വരുത്തിയിട്ടുണ്ടെണ്ടന്നും ഇതുവരെ എത്തിയ തീര്‍ഥാടകരുടെ ആരോഗ്യസ്ഥിതി ഭദ്രമാണെന്നും ഹജ്ജ്, ഉംറ മന്ത്രി പറഞ്ഞു.