HOME
DETAILS

ഖത്തറിന് വ്യോമ പാത തുറന്നു കൊടുത്തെന്ന വാര്‍ത്ത ബഹ്‌റൈനും യു.എ.ഇയും നിഷേധിച്ചു

  
backup
August 10 2017 | 10:08 AM

%e0%b4%96%e0%b4%a4%e0%b5%8d%e0%b4%a4%e0%b4%b1%e0%b4%bf%e0%b4%a8%e0%b5%8d-%e0%b4%b5%e0%b5%8d%e0%b4%af%e0%b5%87%e0%b4%be%e0%b4%ae-%e0%b4%aa%e0%b4%be%e0%b4%a4-%e0%b4%a4%e0%b5%81%e0%b4%b1%e0%b4%a8

 

റിയാദ്: ഖത്തറില്‍ രജിസ്റ്റര്‍ ചെയ്ത വിമാനങ്ങള്‍ക്ക് തങ്ങളുടെ വ്യോമപാതയിലെ വിലക്ക് നീക്കിയെന്ന വാര്‍ത്ത നിഷേധിച്ചു ഉപരോധ രാജ്യങ്ങളായ ബഹ്‌റൈനും യു.എ.ഇയും രംഗത്തെത്തി. അന്താരാഷ്ട്ര സമുദ്രാര്‍ത്തിക്കു മുകളില്‍ സ്ഥിചെയ്യുന്ന യു.എ.ഇ കൈകാര്യം ചെയ്യുന്ന വ്യോമ പാത മാത്രമേ ഖത്തര്‍ രജിട്രേഷനുള്ള വിമാനങ്ങള്‍ക്ക് അനുവദിച്ചിട്ടുള്ളൂവെന്നു യു.എ.ഇ വ്യോമയാന പൊതു അതോറിറ്റി (ജി.സി.എ.എ )അറിയിച്ചു. യു.എ.ഇ വ്യോമപാത ഖത്തര്‍ വിമാനങ്ങള്‍ക്ക് തുറന്ന് കൊടുത്തുവെന്ന രീതിയില്‍ വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തത് ശരിയല്ലെന്നും ജി.സി.എ അറിയിച്ചു.

ഇതേ നിലപാട് തന്നെയാണ് ഉപരോധ രാജ്യങ്ങളില്‍ പെട്ട ബഹ്‌റൈനും വ്യക്തമാക്കിയത്. ഖത്തറിന്റെ വിമാനങ്ങള്‍ക്ക് മുന്നില്‍ ബഹ്‌റൈന്‍ നിയന്ത്രണത്തിലുള്ള വ്യോമ പാതകള്‍ അടഞ്ഞു തന്നെ കിടക്കുകയാണെന്ന് അധികൃതര്‍ പറഞ്ഞു.

കഴിഞ്ഞ ദിവസമാണ് ഖത്തര്‍ വിമാനങ്ങള്‍ക്ക് വ്യോമ പാതകള്‍ തുറന്നു കൊടുത്തതായി അന്താരാഷ്ട്ര വ്യോമയാന സംഘടനയായ ഐ.സി.എ.ഒയെ ഉദ്ധരിച്ചു വാര്‍ത്തകള്‍ പുറത്തു വന്നിരുന്നത്.

സഊദി അറേബ്യയും ഈ വാര്‍ത്തയെ തള്ളിയിരുന്നു. ഖത്തര്‍ വിമാനങ്ങള്‍ക്കുള്ള സഊദി വിമാനത്താവളങ്ങളും വ്യോമ പാതയും ഉപയോഗിക്കുന്നതിനുള്ള വിലക്കുകള്‍ തുടരുമെന്നും സഊദി സിവില്‍ ഏവിയേഷന്‍ ഇന്നത്തെ വ്യക്തമാക്കിയിരുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."