തളിപ്പറമ്പ്: തളിപ്പറമ്പ് സ്വദേശിയായ റിട്ട. സഹകരണ വകുപ്പ് ഉദ്യോഗസ്ഥന്‍ ബാലകൃഷ്ണനെ വധിച്ച് സ്വത്തുക്കള്‍ തട്ടിയെടുക്കാന്‍ ശ്രമിച്ചെന്ന കേസില്‍ പ്രധാന പ്രതികള്‍ക്കെതിരേ ലുക്കൗട്ട് നോട്ടിസ് പുറപ്പെടുവിക്കാന്‍ പൊലിസ് നടപടി ആരംഭിച്ചു. കേസിലെ പ്രധാന പ്രതികളായ ഷൈലജയ്ക്കും ഭര്‍ത്താവ് കൃഷ്ണകുമാറിനുമെതിരേയാണ് ലുക്കൗട്ട് നോട്ടിസ് തയാറാക്കുന്നത്. ഇവര്‍ വിദേശത്തേക്ക് കടക്കാനുള്ള സാധ്യതയുള്ളതിനാല്‍ അടിയന്തര പ്രാധാന്യത്തോടെയാണ് ലുക്കൗട്ട് നോട്ടിസ് തയാറാക്കുക. ഇന്ന് ഉച്ചയോടെ നോട്ടിസ് പുറപ്പെടുവിക്കും.