കാസര്‍കോട്: എസ്.കെ.എസ്.എസ്.എഫ് കാസര്‍കോട് മേഖലാ കമ്മിറ്റി 15നു വൈകുന്നേരം നാലിനു തളങ്കരയില്‍ ഫ്രീഡം സ്‌ക്വയര്‍ സമ്മേളനം സംഘടിപ്പിക്കും. സമസ്ത ജില്ലാ പ്രസിഡന്റ് ത്വാഖ അഹ്മദ് മൗലവി ഉദ്ഘാടനം ചെയ്യും. ഫൈസല്‍ ചപ്പാരപ്പടവ് മുഖ്യപ്രഭാഷണം നടത്തും. തായലങ്ങാടി ക്ലോക്ക് ടവര്‍ പരിസരത്തു നിന്നു പൊതുപ്രകടനം സംഘടിപ്പിക്കും.
ഇതുസംബന്ധമായ യോഗം എസ്.കെ.എസ്.എസ്.എഫ് മുന്‍ ജില്ലാ പ്രസിഡന്റ് ബഷീര്‍ ദാരിമി തളങ്കര ഉദ്ഘാടനം ചെയ്തു. ഹാരിസ് ബെദിര അധ്യക്ഷനായി. ഇര്‍ഷാദ് ഹുദവി ബെദിര, എസ്.വൈ.എസ് മണ്ഡലം സെക്രട്ടറി എം.എ ഖലീല്‍, ഫാറൂഖ് ദാരിമി കൊല്ലമ്പാടി, അഷ്‌റഫ് റഹ്മാനി ചൗക്കി, ഹനീഫ് മൗലവി ഉളിയത്തടുക്ക, ശിഹാബ് അണങ്കൂര്‍, ശബീര്‍ തളങ്കര, ഖലീല്‍ അബുബക്കര്‍ തുരുത്തി സംസാരിച്ചു.
കുന്നുംകൈ: എസ്.കെ.എസ്.എസ്.എഫ് പെരുമ്പട്ട മേഖലാ കമ്മിറ്റിയുടെ നേതൃത്വത്തില്‍ ഓഗസ്റ്റ് 15നു നടത്തുന്ന  ഫ്രീഡം സ്‌ക്വയര്‍ കാക്കടവില്‍ സംഘടിപ്പിക്കാന്‍ മേഖലാ കമ്മിറ്റി തീരുമാനിച്ചു. മത-സാംസ്‌കാരിക-രാഷ്ട്രീയ രംഗത്തെ പ്രമുഖര്‍ ചടങ്ങില്‍ സംബന്ധിക്കും. എസ്.കെ.എസ്.എസ്.എഫ് ജില്ലാ സെക്രട്ടറി യൂനുസ് ഫൈസി യോഗം ഉദ്ഘാടനം ചെയ്തു. സ്വാദിഖ് മൗലവി അധ്യക്ഷനായി.