ബ്യൂണസ് ഐറിസ്: അര്‍ജന്റീന്‍ ആരാധകരുടെയും കാല്‍പന്തുകളി പ്രേമികളുടെയും കാത്തിരിപ്പ് അവസാനിക്കുന്നു. ഇതിഹാസതാരം ലയണ്‍ മെസ്സി ദേശീയ ടീമിലേക്ക് മടങ്ങി വരുമെന്ന് പരിശീലകന്‍. റഷ്യന്‍ ലോകകപ്പിനു ശേഷം അര്‍ജന്റീനയുടെ ജഴ്‌സി ഊരിയ മെസ്സിയെ ടീമിലേക്ക് മടക്കി എത്തിക്കാന്‍ ദേശീയ പരിശീലകന്‍ ലയണല്‍ സ്‌കലോനിയാണ് നീക്കം നടത്തുന്നത്. മെസ്സിയുടെ മടങ്ങിവരവിനു വഴിയൊരുങ്ങിയതായി സ്‌കലോനി ട്വിറ്ററിലൂടെ അറിയിച്ചു. മടങ്ങി വരവിന് വഴിയൊരുക്കാന്‍ സ്‌കലോനി മെസ്സിയുമായി ചര്‍ച്ച നടത്തും. 2019 ലെ കോപ്പ അമേരിക്ക ഫുട്‌ബോള്‍ ചാംപ്യന്‍ഷിപ്പിന് മുന്നോടിയായി മെസ്സിയെ ടീമില്‍ എത്തിക്കാനാണ് ശ്രമം.