മാനന്തവാടി: ഗവ യു.പി.സ്‌കൂളില്‍ സ്വാതന്ത്ര്യ ദിനാഘോഷത്തിന്റെ ഭാഗമായി ഭീമന്‍ പതാകയുമായി വിദ്യാര്‍ഥികള്‍.
50 അടി നീളവും 14 അടി വീതിയുമുള്ള ദേശീയ പതാകയാണ് കുട്ടികള്‍ നിര്‍മിച്ചിരിക്കുന്നത്.
അഞ്ചു ലിറ്റര്‍ പെയ്ന്റ് ഉപയോഗിച്ച് രണ്ട് ദിവസത്തെ ശ്രമഫലമായാണ് ഭീമന്‍ പതാക രൂപം കൊണ്ടത്.
സ്‌കൂളിലെ മുഴുവന്‍ വിദ്യാര്‍ഥികളും പങ്കാളികളായി.
കലാധ്യാപകന്‍ ജില്‍സ് വയനാടിന്റെ നോതൃത്വത്തിലായിരുന്നു പതാക നിര്‍മാണം.  
ഇന്ന് നടക്കുന്ന സ്വാതന്ത്യ ദിന റാലിയില്‍ ഈ പതാക വിദ്യര്‍ഥികള്‍ വഹിക്കുകയും ഗാന്ധി പാര്‍ക്കില്‍ പ്രദര്‍ശിപ്പിക്കുകയും ചെയ്യും.