പഴയങ്ങാടി: പട്ടുവം പിരമുട്ടിലെ വി.വി ഹൗസില്‍ ബി മുസ്തഫ(45)യെ മുംബൈയില്‍ കാണാതായതായി പരാതി. പത്തു വര്‍ഷത്തോളമായി മുംബൈയിലെ കുര്‍ള കത്തായിവാഡയിലെ മസാലക്കടയില്‍ ജോലി ചെയ്തു വരികയായിരുന്നു. ജൂണ്‍ മൂന്നിനു മാട്ടൂല്‍ ബേതാമ്പ്രം പള്ളിക്കു സമീപത്തെ ഭാര്യ വീട്ടിലേക്കായി പുറപ്പെട്ടതായിരുന്നു. കഴിഞ്ഞ മാസം മുംബൈയിലെ കടയുടമ മാട്ടൂലിലെ ഭാര്യ വീട്ടില്‍ വിളിച്ചപ്പോഴാണ് മുസ്തഫ പുറപ്പെട്ട വിവരം ബന്ധുക്കള്‍ അറിയുന്നത്. തുടര്‍ന്ന് മുംബൈയിലും നാട്ടിലും അന്വേഷണം നടത്തിയെങ്കിലും കണ്ടെത്താന്‍ കഴിഞ്ഞില്ല. മുസ്തഫയെ കാണാതായതില്‍ ദുരൂഹത ഉള്ളതായി ബന്ധുക്കള്‍ പഴയങ്ങാടി പൊലിസിനു പരാതി നല്‍കി. വിവരം ലഭിക്കുന്നവര്‍ അടുത്ത പൊലിസ് സ്റ്റേഷനിലോ 9895574996 നമ്പറിലോ ബന്ധപ്പെടുക.