പടിഞ്ഞാറങ്ങാടി: പട്ടിത്തറ ജുമാ മസ്ജിദിന്റെ ഖാസിയായി സമസ്ത മുശാവറ അംഗവും, സമസ്ത പാലക്കാട് ജില്ലാ പ്രസിഡന്റും, വല്ലപ്പുഴ ദാറുന്നജാത്തിന്റെ പ്രിന്‍സിപ്പലും, നിരവധി മഹല്ലുകളുടെ ഖാസിയുമായ കെ.പി.സി തങ്ങള്‍ വല്ലപ്പുഴ ഇന്നലെ ജുമുഅ നിസ്‌കാരത്തിന്ന് നേതൃത്വം നല്‍കി സ്ഥാനമേറ്റു.
മഹല്ല് സെക്രട്ടറി സമദ് മാസ്റ്റര്‍ ബൈഅത്ത് ചെയ്തു. രണ്ടാഴ്ച്ചകള്‍ക്ക് മുമ്പ് നടന്ന മഹല്ല് ജനറല്‍ ബോഡി യോഗത്തിലാണ് തങ്ങളെ ഖാസിയായി നിശ്ചയിക്കാനുള്ള തീരുമാനമുണ്ടായത്. തുടര്‍ന്ന് തങ്ങള്‍ മഹല്ല് നിവാസികള്‍ക്ക് നസ്വീഹത്ത് നല്‍കി. മഹല്ല് ഖത്വീബ് മുജീബ് റഹ്മാന്‍ വല്ലപ്പുഴയാണ് ഖാളി സ്ഥാനം തങ്ങളെ ഏല്‍പ്പിക്കുന്നതിന്ന് മുന്‍ കൈയ്യെടുത്തത്. സ്വദര്‍ ശാഫി ഹുദവി, കെ.പി മൊയ്തീന്‍കുട്ടി, കെ.പി ഷംസുദ്ധീന്‍, സൈഫുദ്ധീന്‍ ലത്തീഫി, സി.വി ഹംസ, അബ്ദുള്‍ റഹ്മാന്‍ മുസ്‌ലിയാര്‍, സി.വി അബ്ദുറഹ്മാന്‍, റസാഖ് ബാഖവി സംബന്ധിച്ചു.