തിരുവനന്തപുരം: കോട്ടൂര്‍ ആദിവാസി ഊരിലെ കുട്ടികള്‍ക്കായി ജില്ലാ ശിശുസംരക്ഷണ യൂനിറ്റ് സംഘടിപ്പിക്കുന്ന 'അഗസ്ത്യന്റെ പൂമ്പാറ്റകള്‍' പരിപാടിയുടെ രണ്ടണ്ടാംഘട്ടം ഓഗസ്റ്റ് 26 ന് തുടങ്ങും.
ഊരിലെ എല്ലാ കുട്ടികളെയും സ്‌കൂളിലെത്തിക്കുക എന്ന ലക്ഷ്യത്തോടെ നടപ്പാക്കുന്ന പദ്ധതി പൂജപ്പുര സാമൂഹ്യനീതി ഹാളില്‍ സബ് കലക്ടര്‍ ദിവ്യ എസ്. അയ്യര്‍ ഉദ്ഘാടനം ചെയ്യും. കേരളാ സര്‍വകലാശാല, ലയോള കോളജ് എന്നിവിടങ്ങളിലെ വിദ്യാര്‍ഥി സഹകരണത്തോടെയാണ് പദ്ധതി നടപ്പക്കുന്നതെന്ന് ജില്ലാ ശിശു സംരക്ഷണ ഓഫിസര്‍ സുബൈര്‍ കെ.കെ അറിയിച്ചു.