മനാമ: സമസ്ത ബഹ്‌റൈന്‍ കേന്ദ്ര കമ്മറ്റിയുടെ കീഴിലുള്ള ഈ വര്‍ഷത്തെ ഹജ്ജ് സംഘം ബഹ്‌റൈനില്‍നിന്നു യാത്ര തിരിച്ചു.

കഴിഞ്ഞ ദിവസം മനാമ ഗോള്‍ഡ് സിറ്റിയിലെ സമസ്ത ബഹ്‌റൈന്‍ കേന്ദ്ര ആസ്ഥാനത്ത് ഒരുമിച്ചു കൂടിയ സംഘം ഇവിടെവച്ചു നടന്ന പ്രാര്‍ഥന ചടങ്ങുകള്‍ക്കു ശേഷമാണ് യാത്ര തിരിച്ചത്.

സമസ്ത ബഹ്‌റൈന്‍ വൈ. പ്രസിഡണ്ട് എടവണ്ണപാറ മുഹമ്മദ് മുസ്‌ലിയാരുടെ നേതൃത്വത്തിലാണ് സംഘം പുറപ്പെടുന്നത്. ആദ്യം മദീന സന്ദര്‍ശിക്കുന്ന സംഘം ശനിയാഴ്ച മക്കയിലെത്തും. തുടര്‍ന്ന് ഹജ്ജ് കര്‍മത്തില്‍ പങ്കെടുത്ത് സെപ്തംബര്‍ 4 ന് ബഹ്‌റൈനില്‍ തിരിച്ചെത്തും. കൂടുതല്‍ വിവരങ്ങള്‍ക്ക് 009733982818.