ഖേലോ ഇന്ത്യ പ്രോജക്ട് സ്റ്റേറ്റ് കോഓര്‍ഡിനേറ്റര്‍ തസ്തികയില്‍ സംസ്ഥാന സ്‌പോര്‍ട്‌സ് കൗണ്‍സില്‍ അപേക്ഷകള്‍ ക്ഷണിച്ചു. കരാര്‍ അടിസ്ഥാനത്തിലാണ് നിയമനം. ഫീസിക്കല്‍ എഡ്യൂക്കേഷനില്‍ ബിരുദാനന്തര ബിരുദവും, സമാന മേഖലയില്‍ രണ്ട് വര്‍ഷത്തെ പ്രവൃത്തി പരിചയവുമാണ് യോഗ്യത. സ്‌പോര്‍ട്‌സ് മാനേജ്‌മെന്റിലുള്ള ഡിപ്ലോമയും, കമ്പ്യൂട്ടര്‍ പരിജ്ഞാനവും അഭികാമ്യം. പ്രായം 25 നും 50 നുമിടയിലായിിക്കണം. പ്രതിമാസം 30,000 രൂപയും (കണ്‍സോളിഡേറ്റഡ്) 5000 രൂപ പെര്‍മനന്റ് ട്രാവല്‍ അലവന്‍സും ലഭിക്കും. വയസ്സ്, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പുകള്‍ സഹിതം 31ന് വൈകിട്ട് അഞ്ച് മണിക്ക് മുന്‍പ് അപേക്ഷ സെക്രട്ടറി, കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍, തിരുവനന്തപുരംഒന്ന് എന്ന വിലാസത്തില്‍ സമര്‍പ്പിക്കണം. അപേക്ഷാ ഫോം www.sportscouncil.kerala.gov.in ല്‍ ലഭിക്കും