മുംബൈ: 200 രൂപ നോട്ടുകള്‍ പുറത്തിറക്കുമെന്ന് കേന്ദ്ര ധനകാര്യ മന്ത്രാലയം ഔദ്യോഗിക അറിയിപ്പ് പുറത്തുവന്നു. ഇന്നലെയാണ് നോട്ട് പുറത്തിറക്കുന്ന വിവരം മന്ത്രാലയം വെളിപ്പെടുത്തിയത്. 200 രൂപ നോട്ടുകള്‍ പുറത്തിറക്കുമെന്ന് വാര്‍ത്ത വന്നിരുന്നുവെങ്കിലും ഇക്കാര്യത്തില്‍ ആര്‍.ബി.ഐയോ കേന്ദ്ര സര്‍ക്കാറോ വ്യക്തമായ വിവരങ്ങള്‍ നല്‍കിയിരുന്നില്ല.
ഈ ആഴ്ചയോ അല്ലെങ്കില്‍ സെപ്റ്റംബര്‍ ആദ്യആഴ്ചയിലോ നോട്ടുകള്‍ ജനങ്ങള്‍ക്കിടയില്‍ എത്തുമെന്നാണ് ധനകാര്യ മന്ത്രാലയം നല്‍കുന്ന വിവരം. 200 രൂപ നോട്ടിന്റെ മാതൃക കഴിഞ്ഞ മാസം സാമൂഹിക മാധ്യമങ്ങളില്‍ വന്നിരുന്നു. ഇതിനൊപ്പം പുതിയ സുരക്ഷാ മാനദണ്ഡങ്ങള്‍ വച്ചുകൊണ്ടുള്ള 50 രൂപ നോട്ടുകളും പുറത്തിറക്കാനും തീരുമാനിച്ചിട്ടുണ്ട്.