കൊടുവള്ളി: പാവപ്പെട്ടവരും സാധാരണക്കാരുമായ ജനങ്ങള്‍ക്ക് ഗുണമേന്മയുള്ള ആയുര്‍വേദ, യുനാനി ചികിത്സ ലഭ്യമാക്കുകയെന്ന ഉദ്ദേശ്യത്തോടെ നെല്ലാങ്കണ്ടിയില്‍ ആരംഭിച്ച കിസ്‌വ ആയുര്‍വേദിക് യുനാനി സ്‌പെഷാലിറ്റി ആശുപത്രി ഒന്നാം പിറന്നാള്‍ ആഘോഷിക്കുന്നു. ഇതിന്റെ ഭാഗമായി പത്ത് ആയുര്‍വേദിക്, യുനാനി സൗജന്യ മെഗാ ആരോഗ്യ മെഡിക്കല്‍ ക്യാംപുകള്‍ സംഘടിപ്പിച്ചു.
ക്യാംപുകളില്‍ പങ്കെടുത്ത നൂറുകണക്കിനു രോഗികള്‍ക്ക് മരുന്നുകള്‍ നല്‍കി. ഇ.സി.ജി, ലബോറട്ടറി ടെസ്റ്റുകള്‍ ഉള്‍പ്പെടെ സൗജന്യമായി നല്‍കുകയും അഡ്മിറ്റ് ചെയ്തത് ആവശ്യമായ ചികിത്സകളും നടത്തി. ആശുപത്രിയില്‍ യുനാനി ചികിത്സകളായ ഹിജാമ (കൊമ്പുവയ്ക്കല്‍), കപ്പിങ് എന്നീ ചികിത്സകള്‍ക്ക് പ്രത്യേകം സൗകര്യമൊരുക്കിയിട്ടുണ്ട്. സ്ത്രീകള്‍ക്ക് വനിതാ ഡോക്ടര്‍മാരുടെയും തെറാപ്പിസ്റ്റുകളുടെയും സേവനം കിസ്‌വയിലുണ്ട്. കൂടാതെ പ്രസവാനന്തരം അമ്മയ്ക്കും കുഞ്ഞിനും താമസ സൗകര്യത്തോടുകൂടി ഉഴിച്ചില്‍, ശരീരപുഷ്ടി, വയര്‍ ചാടല്‍ തുടങ്ങിയവയ്ക്കുള്ള ചികിത്സകളും മരുന്നുകളും നല്‍കിവരുന്നു.