കൊടുവള്ളി: കൊടുവള്ളിയില്‍ ഓട്ടോയും കെ.എസ്.ആര്‍.ടി.സി ബസും കൂട്ടിയിടിച്ച് ഒരാള്‍ മരിച്ചു. മോഡേണ്‍ ബസാര്‍ വളവില്‍ ഇന്നലെ അര്‍ദ്ധരാത്രിയാണ് അപകടമുണ്ടായത്. അപകടത്തില്‍ അണ്ടോണ പുലിക്കുന്നുമ്മല്‍ ഷിബിന്റെ ഭാര്യ അശ്വനി രാജ് ആണ് മരണപ്പെട്ടത്. അമ്മ ചിത്ര(42), മകള്‍ അവന്ദിത(2) ഓട്ടോ ഡ്രൈവര്‍ താമരശ്ശേരി ചെമ്പായി സിദ്ദീഖ് എന്നിവര്‍ക്ക് പരുക്കേറ്റു.

താമരശ്ശേരിയില്‍ നിന്നും കോഴിക്കോട്ടേക്ക് പോകുകയായിരുന്ന KL57 J5021 ഓട്ടോയും കോഴിക്കോട് നിന്നും മാനന്തവാടിക്ക് പോകുകയായിരുന്ന കെ.എസ്.ആര്‍.ടി.സി സൂപ്പര്‍ഫാസ്റ്റ് ബസ്സുമാണ്. അപകടത്തില്‍പ്പെട്ടത്, അപകടത്തില്‍ ഓട്ടോ പൂര്‍ണമായും തകര്‍ന്നു.