പെരുമ്പാവൂര്‍: സി.ഐ.റ്റി.യു ജില്ല കലാമേള ജ്വാല സമാപിച്ചു. സമാപന സമ്മേളനവും സമ്മാന വിതരണവും സംസ്ഥാന സെക്രട്ടറി കെ.എം ഗോപിനാഥ് ഉദ്ഘാടനം ചെയ്തു. എന്‍.ആര്‍ ശ്രീകുമാര്‍ അദ്ധ്യക്ഷത വഹിച്ചു.
പ്രോഗ്രാം കമ്മറ്റി കണ്‍വീനര്‍ കെ.ഇ നൗഷാദ്, സി.പി.ഐ.എം ഏരിയ സെക്രട്ടറി എം.ഐ ബീരാസ്, കെ.എസ്.റ്റി.എ ജില്ല പ്രസിഡന്റ് ജി. ആനന്ദകുമാര്‍, സി.ഐ.റ്റി.യു ജില്ല ജോയിന്റ് സെക്രട്ടറിമാരായ എ.പി ലൗലി, ടി.വി സൂസന്‍, എം.ബി ഭര്‍തൃഹരി, ഓഫീസ് സെക്രട്ടറി രതീഷ്, സംഘാടക സമിതി ജനറല്‍ കണ്‍വീനര്‍ പി.എം സലിം എന്നിവര്‍ സംസാരിച്ചു.
ഓവറോള്‍ ചാമ്പ്യന്‍ഷിപ്പ് അങ്കണവാടി വര്‍ക്കേഴ്‌സ് ആന്‍ഡ് ഹെല്‍പേഴ്‌സ് യൂണിയന്‍ (സി.ഐ.ടി.യു ) കരസ്ഥമാക്കി. ഘോഷയാത്രയില്‍ മികച്ച പ്രകടനം, ഒപ്പനയിലും നാടോടിനൃത്തത്തിലും സംഘനൃത്തത്തിലും മികച്ച പ്രകടനം എന്നിവയിലൂടെയാണ് യൂണിയന്‍ ഒന്നാമതെത്തിയത്.