ചേര്‍ത്തല: പള്ളിപ്പുറം എന്‍.എസ്.എസ് കോളജിലെ തണല്‍ മരങ്ങള്‍ മുറിച്ചുമാറ്റുന്നത് വിദ്യാര്‍ഥികള്‍ തടഞ്ഞു.
പ്രാഥമിക ആവശ്യങ്ങള്‍ക്കുള്ള സൗകര്യം ഏര്‍പ്പെടുത്താതെ കോളജ് ഫണ്ട് വിനിയോഗിച്ച് അധികാരികള്‍ കാംപസിലെ വൃക്ഷങ്ങള്‍ മുറിച്ചുമാറ്റുകയാണെന്ന് വിദ്യാര്‍ഥികള്‍ ആരോപിച്ചു. മരങ്ങള്‍ മുറിക്കരുതെന്ന് ആവശ്യപ്പെട്ട് നേരത്തെ പ്രിന്‍സിപ്പലിന് നിവേദനം നല്‍കിയിരുന്നു. നടപടിയെടുക്കാത്തതിനെ തുടര്‍ന്ന് ഇവര്‍ പ്രതിഷേധവുമായി എത്തി മരം മുറിക്കുന്നത് തടയുകയായിരുന്നു.