മാനന്തവാടി: സീനിയര്‍ വിദ്യാര്‍ഥികളുടെ മര്‍ദനത്തെ തുടര്‍ന്ന് അഞ്ചു വിദ്യാര്‍ഥികള്‍ക്ക് പരുക്ക്.
മാനന്തവാടി നഗരസഭാ പരിധിയിലെ കുടിയേറ്റ മേഖലയിലെ എയ്ഡഡ് സ്‌കൂളിലാണ് സംഭവം. സ്‌കൂളിലെ പ്ലസ് വണ്‍ വിദ്യാര്‍ഥികളെയാണ് പ്ലസ്ടു വിദ്യാര്‍ഥികള്‍ മര്‍ദിച്ചത്. ബുധനാഴ്ച വൈകിട്ടാണ് സംഭവം. രക്ഷിതാക്കളുടെ പരാതിയെ തുടര്‍ന്ന് മാനന്തവാടി പൊലിസ് കേസെടുത്ത് അന്വേഷണം ആരംഭിച്ചു. മുന്‍പും ഇത്തരം സംഭവങ്ങള്‍ ഉണ്ടായിരുന്നതായി സ്‌കൂള്‍ അധികൃതരുടെ ശ്രദ്ധയില്‍പെടുത്തിയിട്ടും നടപടി സ്വീകരിച്ചില്ലെന്നും രക്ഷിതാക്കള്‍ പറഞ്ഞു. എന്നാല്‍ ബസിലെ യാത്രക്കിടെയുണ്ടായ തര്‍ക്കമാണ് പ്രശ്‌നങ്ങള്‍ക്ക് കാരണമെന്നും കുറ്റക്കാരായ വിദ്യാര്‍ഥികള്‍ക്കെതിരേ അച്ചടക്ക നടപടി സ്വീകരിക്കുമെന്നും സ്‌കൂള്‍ അധികൃതര്‍ അറിയിച്ചു.