ശ്രീകാര്യം: സ്‌കൂളുകള്‍ കേന്ദ്രീകരിച്ച് വില്‍പ്പനയ്ക്കായി കഞ്ചാവ് കൊടുക്കുന്ന പ്രധാന പ്രതി പിടിയില്‍. കുളത്തൂര്‍ കരിമണല്‍ പൈതൃക വില്ലക്ക്് സമീപം വിജയ ശ്രീയില്‍ രാഹുല്‍ദേവി (27) നെയാണ് തുമ്പ പൊലിസ് പിടികൂടിയത്. ഒന്നരക്കിലോ കഞ്ചാവുമായി വില്‍പ്പനയ്ക്ക് എത്തിയ രാഹുല്‍ ദേവിന്റെ കൂട്ടാളിയായ നികേഷ് ലാലിനെ പൊലിസ് മേയ് 18ന് പിടികൂടിയിരുന്നു. ഇയാളെ ചോദ്യം ചെയ്തതില്‍ നിന്ന് കഞ്ചാവും ഇത് വില്‍ക്കുന്നതിന് വാഹനവും കൊടുത്ത് വിട്ടത് രാഹുല്‍ ദേവാണെന്ന് വിവരം ലഭിച്ചത്.
ഇതിനെ തുടര്‍ന്ന് പൊലിസ് തിരച്ചില്‍ നടത്തി വരുന്നതിനിടയിലാണ് ഒളിവില്‍ കഴിയുകയായിരുന്ന രാഹുല്‍ദേവിനെ പിടികൂടിയത്. കഴക്കൂട്ടം സൈബര്‍ സിറ്റി അസിസ്റ്റന്റ് കമ്മിഷണര്‍ക്ക് ലഭിച്ച രഹസ്യ വിവരത്തെ തുടര്‍ന്ന് കഴകൂട്ടം സി.ഐ എസ്.അജയ് കുമാര്‍, തുമ്പ എസ്.ഐ. അജിത്ത് കുമാര്‍, എന്നിവരടങ്ങുന്ന സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.