കേന്ദ്രസര്‍ക്കാര്‍ സംരംഭമായ ഗ്യാസ് അതോറിറ്റി ഓഫ് ഇന്ത്യയിലെ 153 ഒഴിവുകളിലേക്ക് അപേക്ഷ ക്ഷണിച്ചു.
ഗ്രേഡ് എസ് 5, എസ് 3 വിഭാഗങ്ങളിലെ ഇലക്ട്രിക്കല്‍, ഫിനാന്‍സ് ആന്‍ഡ് അക്കൗണ്ട്‌സ്, ഇന്‍സ്ട്രുമെന്റേഷന്‍, ലബോറട്ടറി, മാര്‍ക്കറ്റിങ് ആന്‍ഡ് പര്‍ച്ചേസ് വിഭാഗങ്ങളിലാണ് ഒഴിവുകള്‍.
ഗ്രേഡ് എസ് 5ല്‍ ഫോര്‍മാന്‍ (ഇലക്ട്രിക്കല്‍) 40, ഫോര്‍മാന്‍ (ഇന്‍സ്ട്രുമെന്റേഷന്‍) 35, ജൂനിയര്‍ കെമിസ്റ്റ് 12 എന്നിങ്ങനെയാണ് ഒഴിവുകള്‍.
ഗ്രേഡ് എസ് 3ല്‍ സ്റ്റോഴ്‌സ് ആന്‍ഡ് പര്‍ച്ചേസ് അസിസ്റ്റന്റ്, അക്കൗണ്ട്‌സ് അസിസ്റ്റന്റ് 24, മാര്‍ക്കറ്റിങ് അസിസ്റ്റന്റ് 20 എന്നിങ്ങനെയാണ് ഒഴിവുകള്‍.
അപേക്ഷിക്കാനുള്ള പ്രായപരിധി 28 വയസാണ്. 2017 സെപ്റ്റംബര്‍ 15 അടിസ്ഥാനമാക്കിയാണ് പ്രായം കണക്കാക്കുന്നത്.
ഉയര്‍ന്ന പ്രായപരിധിയില്‍ സംവരണ വിഭാഗക്കാര്‍ക്കു നിയമാനുസൃത ഇളവു ലഭിക്കും.
ജനറല്‍, ഒ.ബി.സി വിഭാഗം ഉദ്യോഗാര്‍ഥികള്‍ക്കു മാത്രം 50 രൂപ അപേക്ഷാ ഫീസുണ്ട്. www.gailonline.com എന്ന വെബ്‌സൈറ്റിലൂടെ ഓണ്‍ലൈനായാണ് അപേക്ഷിക്കേണ്ടത്.
കൂടുതല്‍ വിവരങ്ങള്‍ക്കു വെബ്‌സൈറ്റ് സന്ദര്‍ശിക്കുക.
അപേക്ഷ സമര്‍പ്പിക്കാവുന്ന അവസാന തിയതി: സെപ്റ്റംബര്‍ 15