മുംബൈ: 200 രൂപ നോട്ട് ഇന്നലെ ആര്‍.ബി.ഐ പുറത്തിറക്കി. കഴിഞ്ഞ ദിവസം നോട്ടിന്റെ മാതൃക പുറത്തിറക്കിയിരുന്നു. രാജ്യത്തിന്റെ പൈതൃകം മുന്‍നിര്‍ത്തി നോട്ടില്‍ സാരനാഥിലെ സാഞ്ചി സ്തൂപത്തിന്റെ ചിത്രത്തോടെയാണ് 200 രൂപ നോട്ട് തയാറാക്കിയിട്ടുള്ളത്. നല്ല തെളിഞ്ഞ മഞ്ഞ നിറമാണ് പുതിയ നോട്ടിനുള്ളത്. മഹാത്മാഗാന്ധി(പുതിയ) സീരിസില്‍ ഉള്‍പ്പെടുന്നതാണ് നോട്ട്. ആര്‍.ബി.ഐ ഗവര്‍ണര്‍ ഉര്‍ജിത് പട്ടേലിന്റെ ഒപ്പോടുകൂടിയാണ് നോട്ട് പുറത്തിറക്കിയിരിക്കുന്നത്.