താമരശേരി: താമരശേരി ചുങ്കം ചെക്‌പോസ്റ്റിനു സമീപം ഓടിക്കൊണ്ടിരിക്കെ ഇന്നോവ കാര്‍ കത്തി നശിച്ചു. മുക്കം ചെറുവാടി സ്വദേശികള്‍ സഞ്ചരിച്ചിരുന്ന ഇന്നോവയാണ് കത്തി നശിച്ചത്. എട്ടു പേരാണ് കാറിലുണ്ടായിരുന്നത്. ആര്‍ക്കും പരുക്കില്ല.

ശനിയാഴ്ച പുലര്‍ച്ചെയായിരുന്നു സംഭവം. കോരങ്ങാട് പള്ളിയില്‍ പോയി തിരിച്ചു വരികയായിരുന്നു സംഘം. കാറിന്റെ മുന്‍ ഭാഗത്തു നിന്നും പുക ഉയരുന്നത് കണ്ട് യാത്രക്കാര്‍ ഉടന്‍ തന്നെ പുറത്തിറങ്ങുകയായിരുന്നു.

തൊട്ടുടനെയാണ് കാര്‍ അഗ്നിക്കിരയായത്. മുക്കത്തു നിന്നെത്തിയ ഫയര്‍ഫോഴ്‌സ് സംഘമാണ് തീയണച്ചത്.