മുസ്‌ലിംലീഗിലെ സി. അബൂബക്കര്‍ പ്രസിഡന്റായി
കണ്ണാടിപ്പറമ്പ്: കണ്ണാടിപ്പറമ്പ് ക്ഷീരോല്‍പാദക സഹകരണ സംഘം തെരഞ്ഞെടുപ്പില്‍ യു.ഡി.എഫ് പാനലില്‍ മത്സരിച്ച മുഴുവന്‍ സ്ഥാനാര്‍ഥികളും വിജയിച്ചു.
മുസ്‌ലിംലീഗിലെ സി. അബൂബക്കര്‍ പ്രസിഡന്റായി തെരഞ്ഞെടുക്കപ്പെട്ടു.
എല്‍.ഡി.എഫ് നിയന്ത്രണത്തിലുണ്ടായിരുന്ന സൊസൈറ്റി രണ്ട് വര്‍ഷം മുമ്പാണ് യു.ഡി.എഫ് പിടിച്ചെടുത്തത്.
ഇത് തിരിച്ചുപിടിക്കാന്‍ എല്‍.ഡി.എഫ് അതിശക്തമായ ശ്രമം നടത്തിയെങ്കിലും ഇതിനെ അതിജീവിച്ച് ഭരണം യു.ഡി.എഫ് തന്നെ നിലനിര്‍ത്തുകയായിരുന്നു.
വൈസ് പ്രസിഡന്റ് ആയി പി.വി ഇന്ദിരയും ഭരണസമിതി അംഗങ്ങളായി എ.ടി അബ്ദുല്ല ഹാജി, എ.ടി ഇബ്രാഹിം, പി. മുകുന്ദന്‍, ടി.സി നാരായണന്‍, കെ. ഭാസ്‌കരന്‍, പി.വി കദീജ, സി. രത്‌നാകരന്‍ എന്നിവര്‍ തെരഞ്ഞെടുക്കപ്പെട്ടു.
ഹൈക്കോടതി ഉത്തരവിനെ തുടര്‍ന്ന് വന്‍ പൊലിസ് കാവലിലാണ് തെരഞ്ഞെടുപ്പ് നടന്നത്.