റിയാദ്: യമന്‍ തീരത്ത് പരിശീലനത്തിലേര്‍പ്പെട്ട യു.എസ് ഹെലികോപ്റ്റര്‍ തകര്‍ന്നു വീണു. വെള്ളിയാഴ്ച രാത്രിയോടെയാണ് സംഭവം. യു എസ് മിലിട്ടറിയുടെ ബ്‌ളാക് ഹോക്ക് ഇനത്തില്‍ പെട്ട വിമാനമാണ് തകര്‍ന്നു വീണത്.

ഹെലികോപ്റ്റര്‍ തകര്‍ച്ചയുടെ കാരണം വ്യക്തമല്ലെങ്കിലും സൈനികതല അന്വേഷണം ആരംഭിച്ചിട്ടുണ്ട്. ഹെലികോപ്റ്ററില്‍ ഉണ്ടായിരുന്ന അഞ്ചു പേര്‍ സാഹസികമായി രക്ഷയപ്പെട്ടതായി യു എസ സെന്‍ട്രല്‍ കമ്മാന്‍ഡ് പുറത്തിറക്കിയ വാര്‍ത്താ കുറിപ്പില്‍ പറഞ്ഞു. യമന്റെ ദക്ഷിണ തീരത്ത് നിന്നും 20 മൈല്‍ അകലെ വച്ചാണ് ഹെലികോപ്റ്റര്‍ അപകടത്തില്‍ പെട്ടത്.