പുത്തനത്താണി: ക്വാര്‍ട്ടേഴ്‌സുകളുടെ പൂട്ട് പൊളിച്ച് മോഷണം പതിവാക്കിയ ഒരാളെ കല്‍പകഞ്ചേരി പൊലിസ് അറസ്റ്റ് ചെയ്തു. തമിഴ്‌നാട് കന്യാകുമാരി സ്വദേശിയായ ജയഗണേഷ് എന്ന രാജേഷ്‌കുമാറാ(38)ണ് പൊലിസിന്റെ പിടിയിലായത്.
കഴിഞ്ഞദിവസം ചേരൂരാല്‍ മദ്‌റസക്കു സമീപത്തെ ക്വാര്‍ട്ടേഴ്‌സിന്റെ പൂട്ട് പൊളിക്കുന്ന സമയത്താണ് ഇയാള്‍ പിടിയിലായത്. പകല്‍ സമയങ്ങളില്‍ മാത്രമാണ് ഇയാള്‍ മോഷണം നടത്തുന്നതെന്നും കല്‍പകഞ്ചേരി സ്റ്റേഷനില്‍ കൂടാതെ വേങ്ങര, തിരൂര്‍, പെരിന്തല്‍മണ്ണ സ്‌റ്റേഷനുകളില്‍ നിലവില്‍ ഇത് കൂടാതെ കേസുകളുണ്ടെന്നും പൊലിസ് പറഞ്ഞു.
കല്‍പകഞ്ചേരി എസ്.ഐ മഞ്ജിത്‌ലാല്‍, എ.എസ്.ഐ സന്തോഷ്, സി.പി.ഒ മാരായ ഷാജു, ഷജു എന്നിവര്‍ ചേര്‍ന്നാണ് ഇയാളെ പിടികൂടിയത്. കോടതിയില്‍ ഹാജരാക്കി റിമാന്‍ഡ് ചെയ്തു.