കല്യാണ്‍: നാഗ്പൂര്‍ - മുംബൈ തുരന്തോ എക്‌സ്പ്രസ് മഹാരാഷ്ട്രയിലെ കല്യാണിനു സമീപം പാളം തെറ്റി. ആളപായം റിപ്പോര്‍ട്ട് ചെയ്തിട്ടില്ല. നിരവധി പേര്‍ക്ക് പരുക്കേറ്റിട്ടുണ്ട്.

താനെ ജില്ലയിലെ തിത്‌വാല സ്റ്റേഷനു സമീപം ട്രെയിനിന്റെ എഞ്ചിനടക്കം ആറു ബോഗികളാണ് പാളം തെറ്റിയത്. രക്ഷാ പ്രവര്‍ത്തനം പുരോഗമിക്കുകയാണ്. ഇന്ന് രാവിലെ ആറരയോടെയാണ് അപകടം. രക്ഷാപ്രവര്‍ത്തനം ഇപ്പോഴും തുടരുകയാണ്. പ്രദേശത്ത് കനത്ത മഴ അല്‍പനേരം രക്ഷാപ്രവര്‍ത്തനത്തിന് തടസ്സമായി. 20 പേരെ പരുക്കുകളോടെ ആശുപത്രിയില്‍ പ്രവേശിപ്പിച്ചിട്ടുണ്ട്.

പാളം തെറ്റിയത് മുംബൈ സെന്‍ട്രല്‍ റെയില്‍വേ സ്റ്റേഷനിലെയും താനെയിലെയും സബര്‍ബന്‍ ലോക്കല്‍ ട്രെയിന്‍ സര്‍വിസുകളെ ബാധിച്ചിട്ടുണ്ട്. അപകടം മുംബൈ സി.എസ്.ടിയിലേക്കുള്ള ട്രെയിന്‍ സര്‍വിസുകളെയും ബാധിക്കും.