വെള്ളറട: മനുഷ്യനിര്‍മിതമായ അതിര്‍വരമ്പുകളെ കലകള്‍ ഭേദിക്കുന്നുവെന്ന് ചലച്ചിത്ര നടന്‍ അശോകന്‍. കുന്നത്തുകാല്‍ ശ്രീ ചിത്തിരതിരുന്നാള്‍ സ്‌കൂളില്‍ നടന്ന സി.ബി.എസ്.ഇ കലോത്സവത്തിന്റെ സമാപന ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
സ്‌നേഹം, മനുഷ്യത്വം, ജീവിതമൂല്യങ്ങള്‍ തുടങ്ങിയവ വിദ്യാഭ്യാസത്തിലൂടെ ലഭിക്കുന്നുവെങ്കില്‍ അതിന്റെ ആവിഷ്‌കാരമാണ് കലകളെന്ന് അദ്ദേഹം പറഞ്ഞു.
പ്രിന്‍സിപ്പല്‍ പുഷ്പവല്ലി അധ്യക്ഷയായി. യോഗത്തില്‍ വിജയികള്‍ക്കു ട്രോഫികളും ക്യാഷ് അവാര്‍ഡുകളും നല്‍കി. സ്‌കൂള്‍ മാനേജര്‍ ടി. സതീഷ്‌കുമാര്‍, എസ്. ജ്യോതിഷ് ചന്ദ്രന്‍, ജോയി എം. വര്‍ഗ്ഗീസ്, ജയശങ്കര്‍ പ്രസാദ്, മരിയാ ജോയി ജഗദീഷ്, ധന്യ സംസാരിച്ചു.