അങ്കമാലി: മുന്‍ നിയമസഭ സ്പീക്കര്‍ ഏ.പി കുര്യയന്‍ സ്മാരക ട്രെസ്റ്റിന്റെയും അങ്കമാലി ലിറ്റില്‍ ഫ്‌ളവര്‍ ആശുപത്രിയുടെയും ജോയ് ആലുക്കാസ് ഫൗണ്ടേഷന്റെയും എറണാകുളം ജനറല്‍ ആശുപത്രിയുടെയും സംയുക്താഭിമുഖ്യത്തില്‍ 14 ന് സൗജന്യ  മെഗാ മെഡിക്കല്‍ ക്യാംപും കാന്‍സര്‍ രോഗനിര്‍ണയവും നടത്തും. തുറവൂര്‍ സെന്റ് അഗസ്റ്റിന്‍സ് യു.പി സ്‌കുളില്‍ നടക്കുന്ന മെഗാ മെഡിക്കല്‍ ക്യാംപില്‍ ജനറല്‍ മെഡിസന്‍, ഗൈനക്കോളജി, ഹൃദയ രോഗം, ശിശു രോഗം, ഇ.എന്‍.ടി. അസ്ഥിരോഗം, ഇ.സി.ജി, കേള്‍വി പരിശോധന, രക്ത സമര്‍ദ്ധ പരിശോധന, ഷുഗര്‍, കാല്‍ബലക്ഷയം തുടങ്ങിയ വിഭാഗങ്ങളില്‍ പരിശോധന ഉണ്ടാകുമെന്ന് എ.പി.കുരിയന്‍ സ്മാരക ട്രെസ്റ്റ് പ്രസിഡന്റ് പി.ജെ.വര്‍ഗീസും സെക്രട്ടറി അഡ്വ. കെ.കെ ഷിബുവും വാര്‍ത്താ സമ്മേളനത്തില്‍ പറഞ്ഞു.
രാവിലെ എട്ടിന് ആരംഭിക്കുന്ന ക്യാംപ് മുന്‍ എം.പി പി.രാജീവ് ഉദ്ഘാടനം ചെയ്യും. സമ്മേളനത്തില്‍ ട്രസ്റ്റ് പ്രസിഡന്റ് പി.ജെ വര്‍ഗീസ് അദ്ധ്യക്ഷത വഹിക്കും. അങ്കമാലി പ്രസ് ക്ലബില്‍ നടന്ന വാര്‍ത്ത സമ്മേളനത്തില്‍ കെ.വൈ. വര്‍ഗീസ്, കെ.പി.രാജന്‍, ജീമോന്‍ കുരിയന്‍ തുടിങ്ങിയവരും പങ്കെടുത്തു.