അങ്കമാലി: ഉപജില്ല ഇന്റര്‍സ്‌കൂള്‍ ഫുട്‌ബോള്‍ ടൂര്‍ണമെന്റില്‍ ജനസേവ ശിശുഭവനിലെ കുട്ടികള്‍ അണിനിരന്ന എം.എ.എച്ച്.എസ് നെടുമ്പശ്ശേരി ടീം ജേതാക്കളായി. അങ്കമാലി സെന്റ് ജോസഫ് ഹൈസ്‌കൂള്‍ ഗ്രൗണ്ടില്‍ നടന്ന മത്സരത്തില്‍ ഒന്നിനെതിരെ മൂന്നു ഗോളുകള്‍ക്കാണ് മാണിക്യമംഗലം എന്‍.എസ്.എസ് ഹയര്‍ സെക്കന്ററി സ്‌കൂളിനെ പരാജയപ്പെടുത്തിയത്.
 വാശിയേറിയ മത്സരത്തിനൊടുവില്‍ പെനാല്‍റ്റി ഷൂട്ടൗട്ടിലൂടെയാണ് വിജയികളെ കണ്ടെത്തിയത്. എം.എ.എച്ച്.എസ് -നു വേണ്ടി ജനസേവ ഫുട്‌ബോള്‍ ടീമിലെ മണ്കണ്ഠന്‍ (ക്യാപ്റ്റന്‍), ഗൗതം തമ്പാന്‍ (ഗോളി), കാര്‍ത്തിക്, സൂര്യ, ഗിരീഷ്. വടിവേലു, മനു, ഗോവിന്ദ്, അജിത്ത്കുമാര്‍ കെ, മുത്തു, മുസ്തഫ, മണികണ്ഠന്‍ ആര്‍, മണികണ്ഠന്‍ ഡി. എന്നിവരാണ് കളത്തിലിറങ്ങിയത്. ഇവരില്‍ അജിത്ത്, ഗോവിന്ദ്, മനു എന്നിവരാണ് ഗോള്‍ നേടിയത്. ജനസേവ ശിശുഭവന്‍ പ്രസിഡന്റ് അഡ്വ. ചാര്‍ളിപോളും ചെയര്‍മാന്‍ ജോസ് മാവേലിയും വിജയശില്‍പ്പികളായ കായിക താരങ്ങളെ അഭിനന്ദിച്ചു.